ຂ່າວສານ

ໃນລະຫວ່າງວັນທີ 30 ມິຖຸນາ ຫາ 03 ກໍລະກົດ 2020, ສະຖາບັນພະລັງງານທົດແທນໄດ້ສຳເລັດການລົງຕິດຕັ້ງລະບົບປໍ້ານໍ້າພະລັງງານແສງຕາເວັນ ຂະໜາດ 750 w(1HP) ຈຳນວນ 2 ຊຸດ, ສາມາດສະໜອງນໍ້າໄດ້ 3-5 ແມັດກ້ອນ/ຊົ່ວໂມງໃສ່ສວນປູກໝາກນາວ ແລະ ຕົ້ນໄມ້ເສດຖະກິດ.

1. ສຶກສາ,ຄົ້ນຄວ້າ, ທົດລອງ, ດັດແປງ, ນຳໃຊ້ ເຕັກໂນໂລຊີ ພະລັງງານທົດແທນ ປະເພດຕ່າງໆ ເປັນຕົ້ນ ພະລັງງານແກັສຊີວະພາບ, ຊີວະມວນ, ເຊື້ອໄຟຊີວະພາບ ທີ່ເໝາະສົມຈາກສາກົນ ເຂົ້າມານຳໃຊ້ພາຍໃນປະເທດ;
2. ສ້າງລາຍຮັບວິຊາການກ່ຽວກັບການຄົ້ນຄວ້າ, ພັດທະນາ, ຖ່າຍທອດ, ສົ່ງເສີມ, ນຳໃຊ້ ແລະ ບໍລິການໃນເຂດ ເຕັກໂນໂລຊີ ພະລັງງານຊີວະພາບ ເພື່ອແນໃສ່ກະຕຸຊຸກຍູ້ ຫົວຄິດປະດິດສ້າງ, ທ່າແຮງທີ່ບົ່ມຊ້ອນ, ຄວາມກະຕືລືລົ້ນ ແລະ ແກ້ໄຂຊີວິດການເປັນຢູ່ ຂອງວິຊາການ;
3. ປະສານສົມທົບກັບບັນດາສະຖາບັນ, ມະຫາວິໄລ ແລະ ອົງການຈັດຕັ້ງພາຍໃນປະເທດ ເພື່ອດຳເນີນ ການຄົ້ນຄວ້າ, ວິໄຈ, ຕິດຕາມ, ກວດສອບ, ປະເມີນຜົນ, ຢັ້ງຢືນ ການນຳເຂົ້າ ແລະ ການນຳໃຊ້ເຕັກໂນໂລຊີ ພະລັງງານຊີວະພາບ

ພິທີມອບ-ຮັບ ແລະ ເປີດນໍາໃຊ້ໂຄງການທົດລອງນໍາ ໃຊ້ພະລັງງານແສງຕາເວັນຜະລິດໄຟຟ້າ ໃສ່ຫຼັງຄາບ່ອນຈອດລົດ ໄດ້ຈັດຂຶ້ນໃນຕອນແລງວັນທີ 7ພະຈິກ2019 ທີ່ສະຖາບັນພະລັງງານທົດແທນ ແລະ ວັດສະດຸໃໝ່ (ດົງໝາກຄາຍ), ກະຊວງວິທະຍາສາດ ແລະ ເຕັກໂນໂລຊີ ໂດຍການເຊັນມອບຂອງ ທ່ານ ໝ່າ ໝິນຊຽງ, ຫົວໜ້າສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາສາດ ແຂວງຢຸນນານ, ສປ ຈີນ ແລະ ເຊັນຮັບ ໂດຍທ່ານ ນາງ ໄມຕີ ວົງຄໍາຊາວ, ຫົວໜ້າສະຖາບັນ ພະລັງງານທົດແທນ ແລະ ວັດສະດຸໃໝ່ ໂດຍມີທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ, ບັນດາທ່ານ ຮອງລັດຖະມົນຕີ, ທ່ານ ຝູ ຕິ່ງເຫວິ່ນ, ຜູ້ຈັດການບໍລິສັດ ເຕັກໂນໂລຊີ ພະລັງງານສະອາດ ແຂວງ ຢຸນນານ ສປ ຈີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານນາງ ໄມຕີ ວົງຄໍາຊາວ ກ່າວວ່າ: ໂຄງການທົດລອງນໍາໃຊ້ພະລັງງານແສງຕາເວັນຜະລິດໄຟຟ້າ ໃສ່ບ່ອນຈອດລົດພາຍໃຕ້ໂຄງການ ສ້າງສູນຮ່ວມມືດ້ານສ້າງສູນຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ ພະລັງງານແສງຕາເວັນ ລາວ-ຈີນ ແມ່ນການ ຮ່ວມມື ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສປ ຈີນ ໂດຍແມ່ນກົມແຜນການ ແລະ ຮ່ວມມື, ສະຖາບັນພະລັງງານທົດແທນ ແລະ ວັດສະດຸໃໝ່ ແລະ ສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາສາດ ແຂວງຢຸນນານ ສປ ຈີນ ທີ່ທັງສອງຝ່າຍ ໄດ້ເຊັນບົດບັນທຶກຮ່ວມມື ວັນທີ 24 ສິງຫາ 2018 ທີ່ຜ່ານມາ ແລະ ປັດຈຸບັນໄດ້ສຳເລັດການຕິດຕັ້ງ ລະບົບໃສ່ຫຼັງຄາບ່ອນຈອດລົດຂອງ ສະຖາບັນພະລັງງານທົດແທນ ແລະ ວັດສະດຸໃໝ່ ຊຶ່ງເປັນຈຸດສາທິດທົດລອງທີ່ກຳນົດໄວ້ໃນເບື້ອງຕົ້ນ.

ທ່ານ ກ່າວຕື່ມວ່າ: ລະບົບດັ່ງກ່າວ ແມ່ນນຳໃຊ້ລະບົບພະລັງງານແສງຕາເວັນ ປະເພດ Polycrytalise ຂະໜາດ 270 w ລວມທັງໝົດ 120 ແຜ່ນ ແລະ ໄດ້ແບ່ງອອກເປັນ 6 ກຸ່ມ (ກຸ່ມລະ 20 ແຜ່ນ) ດ້ວຍລະບົບຕໍ່ລຽນ, ກຳລັງການຜະລິດໄຟຟ້າສູງສຸດປະມານ 32,40 ກິໂລວັດ ລວມເປັນມູນຄ່າທັງໝົດ 423,00,000 ກວ່າກີບ. ຊຶ່ງລະບົບດັ່ງກ່າວ ກໍ່ໄດ້ເປີດທົດລອງນໍາໃຊ້ລະບົບເພື່ອທົດສອບ, ກວດກາເບິ່ງການເຮັດວຽກຂອງລະບົບອຸປະກອນຕ່າງໆຂອງລະບົບ ແລະ ໄດ້ເຊື່ອມຕໍ່ເຂົ້າກັບ ລະບົບຕິດຕັ້ງຕາຂ່າຍໄຟຟ້າຂອງອາຄານພາຍໃນສະຖາບັນພະລັງງານທົດແທນ ແລະ ວັດສະດຸໃໝ່ ເຫັນໄດ້ວ່າລະບົບດັ່ງກ່າວແມ່ນສາມາດຜະລິດໄຟຟ້າດ້ວຍລະບົບ ໄຟຟ້າ 3 ເຟສ (3 Phase) ເປັນປົກກະຕິ, ສາມາດຜະລິດໄຟຟ້າສາມາດຜະລິດໄຟຟ້າ ປ້ອນເຂົ້າຕາຂ່າຍຕາມຄວາມສາມາດການຜະລິດໄຟຟ້າ ແລະ ປະລິມານແສງແດດ ຂອງແຕ່ລະມື້ ໂດຍສາມາດຫຼຸດຜ່ອນການຊົມໃຊ້ໄຟຟ້າຕາຂ່າຍ ລົງປະມານ 20-30 % ໃນຕອນກາງເວັນ.

ໃນວັນດຽວກັນ, ໂອກາດທີ່ທ່ານ ໝ່າ ໝິນຊຽງ, ຫົວໜ້າສະພາບັນດິດ ເຕັກນິກຂໍ້ມູນຂ່າວສານ ແລະ ວິທະຍາສາດ ແຂວງຢຸນນານ, ສປຈີນ ພ້ອມດ້ວຍຄະນະ ໄດ້ເດີນທາງມາເຮັດວຽກຢູ່ ສປປ ລາວ ຄັ້ງນີ້ຍັງໄດ້ເຂົ້າຢ້ຽມຂຳ່ນັບ ແລະ ປຶກສາຫາລືການຮ່ວມມືສອງຝ່າຍກັບ ທ່ານ ບັນດິດ ສຈ.ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຢູ່ທີ່ຫ້ອງຮັບແຂກ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ນຳອີກ.

ຫ້ອງການ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຮ່ວມກັບ ສະຖາບັນພະລັງງານທົດແທນ ແລະ ວັດສະດຸໃໝ່ (ສພວ) ຈັດກິດຈະກໍາແຂ່ງຂັນກິລາບານເຕະມິດຕະພາບຂຶ້ນ ໃນຕອນແລງຂອງວັນທີ 3 ກໍລະກົດ 2019 ທີ່ສະໜາມກິລາບານເຕະ ເຟີເລີລີ ຊຶ່ງໃຫ້ກຽດເຂົ້າຮ່ວມກິດຈະກຳແຂ່ງຂັນກິລາຄັ້ງນີ້ ມີທ່ານ ພຸດທະສັກ ວິຈິດ ຕຣາ, ຫົວໜ້າຫ້ອງການ ແລະ ທ່ານ ຮອງຫົວໜ້າ ສະຖາບັນພະລັງງານທົດແທນ ແລະ ວັດສະດຸໃໝ່, ກວຕ.

ການຈັດກິດຈະກຳຄັ້ງນີ້ ແມ່ນເພື່ອສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ II ຂອງ ອົງ ຄະນະພັກ ກວຕ, ກອງປະຊຸມໃຫຍ່ ຄັ້ງທີ II ຂອງບັນດາໜ່ວຍພັກ ຫ້ອງການ, ກົມ, ສະຖາບັນ, ກອງປະຊຸມ ໃຫຍ່ ຄັ້ງທີ II ຂອງສາມອົງການຈັດຕັ້ງມະຫາຊົນ, ຊາວໜຸ່ມ, ກຳມະບານ ແລະ ແມ່ຍິງ ທົ່ວ ກວຕ ແລະ ເພື່ອເປັນ ການຮັດແໜ້ມຄວາມສາມັກຄີ, ການພົວພັນ ແລະ ຮ່ວມມື ລະຫວ່າງ ອ້າຍນ້ອງພະນັກງານ ຫ້ອງການ ແລະ ສະຖາ ບັນພະລັງງານທົດແທນ ແລະ ວັດສະດຸໃໝ່.

ການແຂ່ງຂັນຄັ້ງນີ້ ເປັນການພົບກັນ ລະຫວ່າງ ຄະນະບານເຕະຊາຍຫ້ອງການ ພົບກັບ ຄະນະບານເຕະ ຊາຍສະຖາບັນພະລັງງານທົດແທນ ແລະ ວັດສະດຸໃໝ່. ຜົນການແຂ່ງຂັນ, ຫ້ອງການ ຊະນະ ສະຖາບັນພະລັງງານທົດແທນ ແລະ ວັດສະດຸໃໝ່ ດ້ວຍຄະແນນ 6:0 ປະຕູ.

ເຂົ້າຮ່ວມຮັບຊົມການແຂ່ງຂັນຄັ້ງນີ້ ມີບັນດາ ຫົວໜ້າພະແນກ, ຮອງພະແນກ ແລະ ພະນັກງານວິ ຊາການທັງສອງພາກສ່ວນ.

ໃນລະຫວ່າງວັນທີ 23-28 ກັນຍາ 2018 ທີ່ຜ່ານມາ, ສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ຕ້ອນຮັບ ແລະ ເຮັດວຽກຮ່ວມກັບ ຄະນະມະຫາວິທະຍາໄລສ້າງຄູຢູນນານ, ສປ ຈີນ ເພື່ອປຶກສາຫາລືແຜນການຈັດຕັ້ງ ປະຕິບັດ ໂຄງການຮ່ວມມືສ້າງຫ້ອງທົດລອງ ລາວ-ຈີນ ເພຶ່ອການພັດທະນາ ແລະ ນຳໃຊ້ພະລັງງານທົດແທນ ໃນໄລ ຍະສອງ ລະຫວ່າງ ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ (ກວຕ), ສປປ ລາວ ແລະ ມະຫາວິທະຍາໄລສ້າງຄູຢູນນານ, ສປ ຈີນ ຢູ່ສະຖາບັນພະລັງງານທົດແທນ ແລະ ວັດສະດຸໃໝ່.

ເພື່ອປະຕິບັດຕາມແຜນການຮ່ວມມືໃນໄລຍະສອງ ໃຫ້ເປັນໄປຕາມແຜນທີ່ວາງໄວ້, ທັງສອງຝ່າຍ ໄດ້ ຢ້ຽມຢາມ, ຕິດຕາມ ແລະ ກວດກາຈຸດສາທິດລະບົບແກັສຊີວະພາບ, ລະບົບນ້ຳຮ້ອນ ພະລັງ ງານແສງຕາເວັນ, ລະບົບເຄື່ອງປ້ຳນ້ຳພະລັງງານແສງຕາເວັນ ແລະ ລະບົບໄຟເຍືອງທາງພະລັງງານແສງຕາເວັນພາຍໃນນະຄອນຫຼວງ ວຽງຈັນ ແລະ ແຂວງວຽງຈັນ. ຜ່ານການລົງສຳຫຼວດ ແລະ ຕິດຕາມການ ນຳໃຊ້ນະວັດຕະກໍາດັ່ງກ່າວທີ່ໄດ້ຕິດຕັ້ງ ຢູ່ແຕ່ລະຈຸດສາທິດຕ່າງໆ ເຫັນໄດ້ວ່າ ເປັນປະໂຫຍດຫລາຍ ແກ່ສັງຄົມຊື່ງເປັນການປົກປັກຮັກສາສິ່ງແວດລ້ອມໄປ ຕາມແນວທາງການພັດທະນາພະລັງງານສີຂຽວ.

ໃນຕອນແລງວັນທີ 27 ກັນຍາ 2018 ທີ່ຫ້ອງປະຊຸມ ກວຕ ໄດ້ມີພິທີລົງນາມບົດບັນທຶກການຮ່ວມມືເພື່ອເປັນການຢັ້ງຢືນເຖິງຜົນສຳເລັດຂອງການຮ່ວມມື ໃນໄລຍະໜື່ງ ແລະ ສຶບຕໍ່ການຮ່ວມມື ໃນໄລຍະສອງ ລະຫວ່າງ ສະຖາບັນພະລັງງານທົດແທນ ແລະ ວັດສະດຸໃໝ່, ກວຕ, ສປປ ລາວ ແລະ ມະຫາວິທະຍາໄລສ້າງຄູ ຢູນນານ, ສປ ຈີນ.

ຕາງໜ້າຝ່າຍລາວ ລົງນາມໂດຍ ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່, ກວຕ ແລະ ຕາງໜ້າຝ່າຍຈີນ ລົງນາມໂດຍ ທ່ານ ຫວາງສຽງ (WANG QIANG), ເລຂາພັກ ສະຖາບັນຄົ້ນຄວ້າພະລັງງານແສງຕາເວັນ, ມະຫາວິທະຍາໄລສ້າງຄູຢູນນານ, ສປ ຈີນ.

ໃຫ້ກຽດເຂົ້າຮ່ວມເປັນສັກຂີພິຍານການລົງນາມດ່ັ່ງກ່າວ ມີ ທ່ານ ສຈ. ຫວາດ ເວີ່ຍ, ເລຂາຄະນະພັກ ມະຫາວິທະຍາໄລສ້າງຄູຢູນນານ, ສປ ຈີນ ແລະ ບັນດາ ທ່ານຮອງຫົວໜ້າ ສະຖາບັນພະລັງງານທົດແທນ ແລະ ວັດສະດຸໃໝ່, ກວຕ, ສປປ ລາວ ພ້ອມດ້ວຍຫົວໜ້າພະແນກ, ຮອງພະແນກ ແລະ ພະນັກງານວິຊາການຂອງ ສອງຝ່າຍ.

ອີງຕາມການລົງນາມໃນບົດບັນທຶກດ່ັ່ງກ່າວ, ຝ່າຍຈີນຈະສຶບຕໍ່ຮ່ວມມືກັບຝ່າຍລາວ ຄື: ໃຫ້ທຶນ ຝຶກອົບຮົມໄລຍະສັ້ນ ດ້ານການພັດທະນາ ແລະ ການນຳໃຊ້ພະ ລັງງານທົດແທນໄລຍະ 20 ວັນ ທີ່ຄຸນມີງ, ສປ ຈີນ ແກ່ພະນັກງານສະຖາບັນ ຈຳນວນ 06 ຄົນ; ສະໜອງອຸປະກອນຕິດຕັ້ງລະບົບນ້ຳ ຮ້ອນພະລັງ ງານແສງຕາເວັນ ຂະໜາດ 4 ແມັດກ້ອນ ແລະ ລະບົບໄຟເຍືອງທາງພະລັງງານແສງຕາເວັນ ຈຳນວນ 10 ຊຸດ ໃຫ້ແກ່ໂຮງຮຽນວັດທະນາທຳຊົນເຜົ່າເດັກກຳພ້າ ແຂວງ ຫຼວງພະບາງ; ສະໜອງ ລະບົບປ້ຳນ້ຳພະລັງ ງານແສງຕາເວັນ ຈຳນວນ 1 ເຄື່ອງ ແລະ ລະບົບໄຟເຍືອງທາງພະລັງງານແສງຕາເວັນ ຈຳນວນ 10 ຊຸດ ໃຫ້ແກ່ໂຮງຮຽນວັດທະນາທຳຊົນເຜົ່າ ເດັກກຳພ້າ ຫຼັກ 67; ສະໜອງລະບົບໄຟຟ້າພະ ລັງງານແສງຕາເວັນ ໃຫ້ແກ່ໂຮງໝໍ ເມືອງສັງທອງ ຂະໜາດ 2 KW; ສະເໜີຮ່ວມມືກັນກໍ່ສ້າງສູນ ວີທະຍາສາດ, ເຕັກໂນໂລຊີ ແລະ ນະວັດຕະກຳ ຄຸນມິງ-ວຽງຈັນ ລະຫວ່າງ ສະຖາບັນພະລັງງານທົດແທນ ແລະ ວັດສະດຸໃໝ່, ກວຕ, ສປປ ລາວ, ພະແນກວິທະຍາສາດ ແລະ ເຕັກໂນໂລຊີ, ແຂວງຢູນນານ ແລະ ມະຫາວິທະຍາໄລສ້າງຄູຢູນນານ, ສປ ຈີນ.

ເພື່ອເປັນການສ້າງຂະບວນການຂ່ຳນັບຮັບຕ້ອນກອງ ປະຊຸມໃຫຍ່ສາມຂັ້ນຂອງ 3 ອົງການຈັດຕັ້ງມະຫາຊົນ ກະຊວງວິທະຍາສາດ ແລະ ເຕັກໂນໂລຊີ ແລະ ສ້າງຄວາມສາມັກຄີຮັກແພງ ເຊິ່ງກັນ ແລະ ກັນ, ພ້ອມກັນນັ້ນກໍ ທັງເປັນການສະ ເຫຼີມສະຫຼອງວັນສ້າງຕັ້ງສະຫະພັນກຳມະບານລາວ ຄົບຮອບ 63 ປີ (1/2/1956-1/2/2019).ໃນ ວັນທີ 5 ກຸມພາ 2019ທີ່ຜ່ານມາ, ສະຖາບັນພະລັງງານທົດແທນ ແລະ ວັດສະດຸໃໝ່ ແລະ ຫ້ອງການສະພາວິທະ ຍາສາດແຫ່ງຊາດ, ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດກິດຈະກຳເຕະບານມິດຕະພາບຂຶ້ນ ເດີ່ນ ເຕະບານ VKS.

ກິດຈະກຳບານເຕະມິດຕະພາບໃນຄັ້ງນີ້ເຕັມໄປດວ້ຍບັນຍາກາດທີ່ຟົດຟື້ນມ່ວນຊື່ນ ແລະ ຜົນການ ແຂ່ງ ຂັນເຕະບານຍິງ ແມ່ນ ຫ້ອງການສະພາວິທະຍາສາດ ແຫ່ງຊາດສາມາດເອົາຊະນະສະຖາບັນ ພະລັງງານທົດແທນ ແລະ ວັດສະດຸໃໝ່ ດ້ວຍຄະແນນ 2:0 ປະຕູ ແລະ ຜົນແຂ່ງຂັນເຕະບານຊາຍ ແມ່ນສະຖາບັນພະລັງງານທົດ ແທນ ແລະ ວັດສະດຸໃໝ່ ເອົາຊະນະ ຫ້ອງການ ສະພາວິທະຍາສາດ ແຫ່ງຊາດດ້ວຍຄະແນນ 5:3 ປະຕູ.

ໃຫ້ກຽດເຂົ້າຮ່ວມຊົມ ແລະ ເຊຍການແຂ່ງຂັນບານເຕະໃນຄັ້ງນີ້ມີ ທ່ານ ນາງ ໄມຕີ ວົງຄຳຊາວ, ຄະນະພັກກະ ຊວງ, ຫົວໜ້າຖາບັນພະລັງງານທົດແທນ ແລະ ວັດສະດຸໃໝ່, ທ່ານ ນາງ ແກ້ວໄພວັນ ດວງສະຫວັນ, ຫົວໜ້າຫ້ອງການສະພາວິທະຍາສາດແຫ່ງຊາດ ແລະ ພະນັກງານວິຊາການ ທັງສອງພາກສ່ວນເຂົ້າຮ່ວມ.

ຕອນບ່າຍວັນທີ 16 ມັງກອນ 2019, ໜ່ວຍພັກສະ ຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຈັດພິທີຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ໂດຍໃຫ້ ກຽດເຂົ້າຮ່ວມເປັນປະທານຂອງ ສະຫາຍ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ ທີ່ຫ້ອງ ປະຊຸມກະຊວງດັ່ງກ່າວ.

ສະຫາຍ ນາງ ໄມຕີ ວົງຄຳຊາວ, ເລຂາໜ່ວຍພັກສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ ຂຶ້ນຜ່ານມະຕິຕົກລົງຂອງຄະນະພັກກະຊວງ ກວຕ ວ່າດ້ວຍການຮັບເອົາມະຫາຊົນ ກ້າວໜ້າເຂົ້າເປັນ ສະມາຊິກ ພັກສຳຮອງຈຳນວນ 3 ສະຫາຍ, ຍິງ 1 ສະຫາຍ.

ໂອກາດນີ້,ສະຫາຍ ບຸນຕີ ທະມິດ, ຮອງເລຂາຄະນະພັກ ໄດ້ໃຫ້ກຽດໂອ້ລົມ ບັນດາມະຫາຊົນກ້າວ ໜ້າທັງ 3 ສະຫາຍທີ່ໄດ້ເຂົ້າເປັນສະມາຊິກພັກສຳຮອງໃນ ຄັ້ງນີ້. ສະຫາຍ ໄດ້ສະແດງຄວາມຍິນດີ ແລະ ຍ້ອງຍໍຊົມ ເຊີຍຕໍ່ສະມາຊິກພັກໃໝ່ທີ່ຕັ້ງໜ້າຝຶກຝົນຫຼໍ່ຫຼອມຕົນເອງ ຫຼາຍດ້ານ, ໄດ້ຮັບຄວາມໄວ້ວາງຈາກການຈັດຕັ້ງ ແລະ ຮັບເຂົ້າເປັນສະມາຊິກພັກສຳຮອງໃໝ່ຂອງພັກ ຂອງພັກປະຊາຊົນປະຕິວັດລາວ. ສະຫາຍ ຍັງໄດ້ໃຫ້ຄຳເຫັນຕໍ່ສະ ມາຊິກພັກທັງເກົ່າ ແລະ ໃໝ່ ຈົ່ງເພີ່ມທະວີຄວາມຮັບຜິດ ຊອບຕໍ່ໜ້າວຽກຂອງຕົນ, ມີສະຕິຕໍ່ການຈັດຕັ້ງ, ຢຶດໝັ້ນ ແລະ ເປັນເອກະພາບຕໍ່ແນວທາງນະໂຍບາຍ ຂອງ ພັກ-ລັດ, ຊື່ສັດ ແລະ ຈົ່ງຮັກພັກດີຕໍ່ພັກ-ລັດ, ຕໍ່ປະເທດຊາດ, ປະກອບສ່ວນຄວາມຮູ້ ແລະ ຄວາມສາມາດຂອງ ຕົນເຂົ້າໃນວຽກງານທີ່ການຈັດຕັ້ງມອບໝາຍໃຫ້, ສືບຕໍ່ ຍົກລະດັບຄວາມຮູ້, ຄວາມສາມາດຂອງຕົນ ເພື່ອປະກອບສ່ວນ ເຂົ້າໃນການສ້າງສາ ແລະ ພັດທະນາປະເທດຊາດ.

ເຂົ້າຮ່ວມຮ່ວມໃນພິທີຄັ້ງນີ້ ມີສະຫາຍເລຂາ,ຮອງເລຂາໜ່ວຍພັກຂອງຫ້ອງການ, ບັນດາກົມ, ສະຖາບັນອ້ອມຂ້າງກະຊວງ, 3 ອົງການຈັດຕັ້ງມະຫາຊົນ ແລະ ສະມາຊິກພັກຂອງສະຖາບັນດັ່ງກ່າວ.

ວັນທີ່ 15 ຕຸລາ 2018 ທີ່ຜ່ານມານີ້, ໜ່ວຍພັກສະຖາບັນ ພະລັງງານທົດແທນ ແລະ ວັດສະດຸໃໝ່ ໄດ້ເປີດກອງປະຊຸມສະຫຼຸບຕີລາການຈັດຕັ້ງປະຕິບັດ ມະຕິກອງປະຊຸມໃຫ່ຍ ຄັ້ງທີ I ໄລຍະເຄິ່ງສະໄໝ ປີ 2015-2018 ແລະ ທິດທາງແຜນການວຽກຈຸດສຸມທ້າຍສະໄໝ 2018-2020 ພາຍໃຕ້ການເປັນປະທານກອງປະຊຸມຂອງ ສະຫາຍ ນ. ໄມຕີ ວົງຄໍາຊາວ, ຄະນະພັກກະຊວງ, ເລຂາໜ່ວຍພັກສະຖາບັນພະລັງງານທົດແທນ ແລະ ວັດສະດຸໃໝ່.

ກອງປະຊຸມດັ່ງກ່າວ ໄດ້ຜ່ານບົດສະຫຼຸບຕີລາການຈັດຕັ້ງປະຕິບັດ ມະຕິກອງປະຊຸມໃຫ່ຍ ຄັ້ງທີ I ໃນໄລ ຍະຜ່ານມາຊຶ່ງປະຕິບັດຜົນສໍາເລັດຫຼາຍດ້ານ ເຊັ່ນ: ສະມາຊິກພັກທຸກສະຫາຍ ໄດ້ເຂົ້າຮ່ວມເຊື່ອມຊຶມບັນດາເອກະ ສານ, ມະຕິ, ຄໍາສັ່ງ, ບົດແນະນໍາຕ່າງໆ. ຜ່ານການເຊື່ອມຊຶມບັນດາເອກະສານດັ່ງກ່າວ ເຮັດໃຫ້ສະມາຊິກພັກພາຍ ໃນສະຖາບັນ ມີຄວາມໜັກແໜ້ນທາງດ້ານການເມືອງ, ມີຄວາມສະຫງົບ, ມີຄວາມອຸ່ນອ່ຽນທຸ່ນທ່ຽງ ແລະ ຕັ້ງໜ້າ ປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ.

ກ່ຽວກັບວຽກຂະຫຍາຍສະມາຊິກພັກ, ບົດສະຫຼຸບ ໄດ້ໃຫ້ຮູ້ວ່າ ສະຖາບັນສາມາດຂະຫຍາຍ ສະມາຊິກ ພັກໃໝ່ໄດ້ 13 ສະຫາຍຊຶ່ງໃນຈໍານວນນີ້ ເປັນຍິງ 04 ສະຫາຍ; ສະມາຊິກພັກສໍາຮອງ 07 ສະຫາຍ, ຍິງ 03 ສະຫາຍ ແລະ ເປົ້າໝາຍກໍ່ສ້າງສະມາຊິກພັກໃໝ່ມີ 06 ສະຫາຍ.

ຈຸດໝາຍລວມຂອງການຂະຫຍາຍສະມາຊິກພັກ ແມ່ນເນັ້ນໃສ່ການເຄື່ອນໄຫວວຽກງານວິຊາສະເພາະທີ່ຕົນເອງຮັບຜິດຊອບໃຫ້ສໍາເລັດຕາມແຜນທີ່ວາງໄວ້ພ້ອມ ທັງຮັບປະກັນທາງດ້ານປະລິມານ ແລະ ຄຸນນະພາບ.

ປັດຈຸບັນ, ໜ່ວຍພັກສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ສໍາເລັດການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ສໍາເລັດຕາມແຜນ ແລ້ວ ແລະ ໄດ້ສົ່ງພະນັກງານຂັ້ນຫົວໜ້າພະແນກເຂົ້າຮ່ວມຮຽນທິດສະດີການເມືອງ ໃນໄລຍະ 45 ວັນ ທີ່ສະຖາບັນການຄຸ້ມຄອງ ວິທະຍາສາດ ແລະ ເຕັກໂນໂລຊີ ຈໍາ ນວນ 03 ສະຫາຍ, ຍິງ 01 ສະຫາຍ.

ກ່ຽວກັບວຽກງານວິຊາສະເພາະ, ສະຖາບັນ ພະລັງງານທົດແທນ ແລະ ວັດສະດຸໃໝ່ ໄດ້ສົ່ງພະນັກງານວິຊາການເຂົ້າຮ່ວມສໍາມະນາ ແລະ ຝຶກອົບຮົມຢູ່ຕ່າງປະ ເທດກຽ່ວກັບວຽກງານວິຊາສະເພາະ ຈໍານວນ 72 ຄັ້ງ ຈໍານວນ 126 ເທື່ອຄົນ, ຢູ່ພາຍໃນ ຈໍານວນ 33 ຄັ້ງ ຈໍານວນ 89 ເທື່ອຄົນ. ພິເສດ, ພະນັກງານທີ່ສໍາເລັດຍົກລະ ດັບວິຊາສະເພາະຢູ່ພາຍໃນປະເທດດ້ວຍທຶນຕົນເອງ ລະດັບປະລິນຍາໂທ ມີ 01 ຄົນ, ປະລິນຍາຕີ 01 ຄົນ. ປັດຈຸບັນ, ພະນັກງານກໍາລັງສຶກສາດ້ວຍທຶນຕົນເອງຢູ່ພາຍໃນ ປະເທດຈໍານວນ 02 ຄົນ, ລະດັບປະລິນຍາໂທ 01 ຄົນ ແລະ ປະລິຍາຕີ 01 ຄົນ.

ກ່ຽວກັບສະຫວັດດີການສັງຄົມ, ສະຖາບັນ ພະລັງງານທົດແທນ ແລະ ວັດສະດຸໃໝ່ ໄດ້ປະຕິບັດນະໂຍບາຍຕໍ່ບັນດາສະມາຊິກພັກ-ພະນັກງານພາຍໃນສະຖາ ບັນໂດຍອີງໃສ່ນະໂຍບາຍຂອງພັກ-ລັດ ດັ່ງນີ້: ນະໂຍບາຍເກີດລູກ 08 ຄັ້ງ, ສ້າງຄອບຄົວໃໝ່ 07 ຄັ້ງ, ເຈັບເປັນ 03 ຄັ້ງ.

ກ່ຽວກັບສ້າງຊັບພະຍາກອນມະນຸດ, ສະຖາບັນພະລັງງານທົດແທນ ແລະ ວັດສະດຸໃໝ່ ໄດ້ຈັດຝຶກອົບຮົມທາງດ້ານວິຊາການໃຫ້ແກ່ບັນດາພະແນກວິທະຍາ ສາດ ແລະ ເຕັກໂນໂລຊີແຂວງ ຈໍານວນ 17 ຄັ້ງ ແລະ ໄດ້ຮັບນັກສຶກສາ ຈາກ ຄະນະວິທະຍາສາດທໍາມະຊາດ ແລະ ຄະນະວິທະຍາສາດສິ່ງແວດລ້ອມ, ມະຫາວິທະຍາໄລ ແຫ່ງຊາດ (ມຊ) ທັງໝົດ 05 ຊຸດ, ຈໍານວນ 40 ຄົນ.

ທີ່ປະຊຸມ ໄດ້ຮັບຟັງການປະກອບຄຳຄິດ ຄໍາເຫັນ ຕໍ່ ບົດສະຫຼຸບຕີລາການຈັດຕັ້ງປະຕິບັດວຽກ ຂອງໜ່ວຍພັກສະຖາບັນພະລັງງານທົດແທນ ແລະ ວັດສະດຸໃໝ່ ຈາກບັນດາສະຫາຍເລຂາໜ່ວຍພັກກົມ, ສະຖາບັນ, ຫ້ອງການ ແລະ ຕາງໜ້າຈາກ 03 ອົງການຈັດຕັ້ງມະຫາຊົນ ເພື່ອປັບປຸງບົດສະຫຼຸບດັ່ງກ່າວ ສົມບູນຕື່ມ.

ໃນວາລະທ້າຍຂອງກອງປະຊຸມ ໄດ້ຮັບຟັງການໂອ້ລົມຂອງທ່ານປະທານກອງປະຊຸມຊຶ່ງສະຫາຍ ໄດ້ເນັ້ນວຽກງານນຈຸດສຸມແຕ່ລະດ້ານຂອງສະຖາບັນທີ່ຈະປະຕິ ບັດໃນທ້າຍສະໄໝ ໃຫ້ປະສົບຜົນສຳເລັດສູງຂຶ້ນຕື່ມ.