ສູນຄົ້ນຄວ້າ ພະລັງງານພະລັງງານທົດແທນ ແລະ ພະລັງງານໃໝ່

ວຽກງານຄົ້ນຄວ້າ ພະລັງງານທົດແທນ ແລະ ພະລັງງານໃໝ່;

1. ສຶກສາ, ຄົ້ນຄວ້າ, ເລືອກເຟັ້ນນຳໃຊ້, ດັດປັບ ເຕັກໂນໂລຊີພະລັງງານທົດແທນແລະພະລັງງານທາງເລືອກໃໝ່ ເປັນຕົ້ນ: ພະລັງງານຊີວະພາບ, ແສງຕາເວັນ, ລົມ, ກຳມັດຕະພາບລັງສີ, ຄວາມຮ້ອນໄຕ້ດິນ, ອຸນຫະພູມ, ພະລັງງານຄື້ນ, ໄຮໂດຣເຈນ ແລະ ພະລັງງານອື່ນໆ, ວິສະວະກຳພະລັງງານ ແລະ ວັດສະດູພະລັງງານ ຈາກພາຍໃນ ແລະ ຕ່າງປະເທດ ໃຫ້ ເໝາະສົມກັບສະພາບເງື່ອນໄຂ ແລະ ຄວາມຕ້ອງການພາຍໃນປະເທດ;
2. ຄົ້ນຄວ້າພັດທະນາການຜະລິດພະລັງງານ, ການກັກເກັບ, ການຄວບຄຸມ, ການເຊື່ອມຕໍ່ ແລະ ການນຳໃຊ້ພະລັງງານຈາກແຫຼ່ງພະລັງງານທົດແທນ ແລະ ພະລັງງານທາງເລືອກໃໝ່ ພະລັງງານຊີວະພາບ, ແສງຕາເວັນ, ລົມ, ກຳມັດຕະພາບລັງສີ, ຄວາມຮ້ອນໄຕ້ດິນ, ອຸນຫະພູມ, ພະລັງງານຄື້ນ ແລະ ໄຮໂດຣເຈນ ແລະ ພະລັງງານອື່ນໆ);
3. ຄົ້ນຄວ້າພັດທະນາສ້າງຕົວແບບ ແລະ ໂຄງການສາທິດທົດລອງ ການຜະລິດ ແລະ ນຳໃຊ້ພະລັງງານທົດແທນແລະພະລັງງານທາງເລືອກໃໝ່ ເພື່ອກ້າວໄປສູ່ການຫັນເປັນທຸລະກິດ ໂດຍໃຫ້ພາກເອກະຊົນ ແລະ ຊຸມຊົນມີສ່ວນຮ່ວມ ໃຫ້ສອດຄ່ອງກັບນະໂຍບາຍຂອງລັດ;
4. ຄົ້ນຄວ້າພັດທະນາການນຳໃຊ້ເຕັກໂນໂລຊີພະລັງງານແສງຕາເວັນ ແລະ ພະລັງງານລົມ ແບບບໍ່ເຊື່ອມຕໍ່ໄຟຟ້າແຫ່ງຊາດ (Off Grid) ແລະ ແບບເຊື່ອມຕໍ່ກັບໄຟຟ້າແຫ່ງຊາດ (On Grid) ເປັນຕົ້ນແມ່ນ ການຕິດຕັ້ງການຜະລິດໄຟຟ້າພະລັງງານແສງຕາເວັນ ແລະ ພະລັງງານລົມໃສ່ເທິງຫຼັງຄາເຮືອນ, ຕຶກອາຄານ, ໂຮງຈັກໂຮງງານ ແລະ ອື່ນໆ;
5. ຄົ້ນຄວ້າພັດທະນາການນຳໃຊ້ພະລັງງານຄວາມຮ້ອນແສງຕາເວັນ ສຳລັບທີ່ຢູ່ອາໃສ, ການຜະລິດອຸດສາຫະກຳ ແລະ ກະສິກຳ;
6. ຄົ້ນຄວ້າພັດທະນາການນຳໃຊ້ເຕັກໂນໂລຊີໄຟຟ້າພະລັງງານແສງຕາເວັນ ແລະ ພະລັງງານລົມ,​ ແກສຊີວະພາບ ເຂົ້າໃນວຽກງານການຜະລິດກະສິກຳ;
7. ຄົ້ນຄວ້າພັດທະນາການຜະລິດ, ກັກເກັບ ແລະ ນໍາໃຊ້ພະລັງງານໄຮໂດຣເຈນ ສໍາລັບ ຍານພາຫານະ,​ ການຜະລິດໄຟຟ້າ ແລະ ເຊື້ອໄຟສໍາລັບຫຸງຕົ້ມ;
8. ຄົ້ນຄວ້າພັດທະນາວັດສະດູສຳລັບການຜະລິດ ແລະ ນຳໃຊ້ພະລັງງານໃຫ້ມີປະສິດທິພາບ ແລະປະສິດທິຜົນສູງ;
9. ເກັບກຳຂໍ້ມູນ ແລະ ສ້າງຖານຂໍ້ມູນ ເພື່ອເປັນເງື່ອນໄຂໃຫ້ແກ່ການພັດທະນາ ພະລັງງານທົດແທນ ແລະ ພະລັງງານທາງເລືອກໃໝ່ ຕາມຄວາມເໝາະສົມ ແລະ ທ່າແຮງທີ່ມີຢູ່ພາຍໃນປະເທດ;
10. ຄົ້ນຄວ້າ ແລະ ນຳໃຊ້ສີ່ງເສດເຫຼືອຈາກຂະບວນການຜະລິດເຊື້ອໄຟຊີວະພາບ ເພື່ອເພີ່ມມູນຄ່າທາງດ້ານເສດຖະກິດ ແລະ ຫຼຸດຜ່ອນບັນຫາດ້ານສີ່ງແວດລ້ອມ;
11. ສ້າງຄູ່ມືຂັ້ນຕອນການຜະລິດ ແລະ ຂໍ້ແນະນຳຕ່າງໆ ທີ່ພົວພັນກັບພະລັງງານທົດແທນແລະພະລັງງານທາງເລືອກໃໝ່ ເປັນຕົ້ນແມ່ນ: ນໍ້າມັນເຊື້ອໄຟຊີວະພາບ, ແກັສຊີວະພາບ, ເຊື້ອໄຟຊີວະມວນ, ການນໍາເອົາສີ່ງເສດເຫຼືອມາເປັນພະລັງງານ; ໄຟຟ້າພະລັງງານນໍ້າຂະໜາດນ້ອຍ, ພະລັງງງານໄຟຟ້າແສງຕາເວັນ, ພະລັງາານຄວາມຮ້ອນແສງຕາເວັນ.​ ພະລັງງງານລົມ, ໄຮໂດຣເຈນ ແລະ ອື່ນໆ;
12. ໃຫ້ຄຳປຶກສາດ້ານວິຊາການ ສຳລັບການດຳເນີນກິດຈະການທາງດ້ານພະລັງງານທົດແທນ ແລະ ພະລັງງານທາງເລືອກໃໝ່;
13. ເຂົ້າຮ່ວມ ແລະ ປະກອບຄຳເຫັນດ້ານເຕັກນິກວິຊາການ ຕໍ່ກັບໂຄງການດ້ານການຜະລິດ ແລະ ນຳໃຊ້ ພະລັງງານທົດແທນ ແລະ ພະລັງງານທາງເລືອກໃໝ່;
14. ສ້າງ​ເອກະສານ​ວິຊາ​ການສຳລັບໂຄສະນາ, ເຜີຍແຜ່ ຄວາມຮູ້ ແລະ ສ້າງຈິດສຳນຶກ ກ່ຽວກັບ ເຕັກໂນໂລຊີ ພະລັງງານທົດແທນ ແລະ ພະລງງານທາງເລືອກຕ່າງໆ ​ແລະ ຜົນ​ສໍາ​ເລັດ​ຂອງ​ການ​ຄົ້ນຄວ້າ​ໃນ​ຂອບ​ເຂດ​ທົ່ວ​ປະ​ເທດ;
15. ສ້າງລາຍຮັບວິຊາການ ຈາກຜົນສຳເລັດຂອງການຄົ້ນຄວ້າ ແລະ ການບໍລິການໃນຂົງເຂດ ເຕັກໂນໂລຊີ ພະລັງງານທົດແທນ ແລະ ລັງງານທາງເລືອກໃໝ່;
16. ພັດທະນາພື້ນຖານໂຄງລ່າງ ສຳລັບການຄົ້ນຄວ້າພັດທະນາ ແລະ ການບໍລິການ ທາງດ້ານເຕັກໂນໂລຊີ ພະລັງງານທົດແທນ ແລະ ພະລັງງານທາງເລືອກໃໝ່, ພັດທະນາຊັບພະຍາກອນມະນຸດ. ຈັດຕັ້ງຄຸ້ມຄອງ ວັດຖຸອຸປະກອນ, ພາຫະນະ ແລະ ເຄື່ອງຮັບໃຊ້ອື່ນໆ ໃນຂອບເຂດຄວາມຮັບຜິດຊອບຂອງສູນ;
17. ປະສານສົບທົບກັບບັນດາສະຖາບັນ, ມະຫາວິທະຍາໄລ ແລະ ອົງການຈັດຕັ້ງອື່ນໆ ທັງພາຍໃນ ແລະ ຕ່າງປະເທດ ເພື່ອດຳເນີນການຄົ້ນຄວ້າ, ພັດທະນາການຜະລິດ ແລະ ນຳໃຊ້ ເຕັກໂນໂລຊີພະລັງງານທົດແທນແລະພະລັງງານທາງເລືອກໃໝ່ພົວພັນຮ່ວມມື, ພົບປະເຈລະຈາ ແລະ ປະສານງານ ກັບອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ເພື່ອຍາດແຍ່ງການຊ່ວຍເຫຼືອ ແລະ ຮ່ວມມື ດ້ານການຄົ້ນຄວ້າພັດທະນາພະລັງງານທົດແທນແລະພະລັງງານທາງເລືອກໃໝ່.